ارجوك

_ارجوك اعمل إنك حبيبي 
=نعم؟ في أي يا آنسة!!
_مفيش وقت للتفسير والله هو خمس دقايق وهيبقي هنا مع النيو جيرل فريند
=هو مين ؟ وتطلع أي جيريل ديي؟
_يا ديي المصېبة ، بس مڤيش قدامي غيرك ، الاكس جاي مع حبيبته الجديدة 
=اه الواد الي انتي كنتي ماشيه معاه والحتة 
_نعم!! دا اختلاف طبقات من هنا لغايه ما استوعب الكلام الي انت بتقوله
=دا انتي من ايجيبت جدا ، عاوزة أي بردو مش فاهم؟
_تمثل انك حبيبي عشان ميفتكرش أنه فارق معايا 
=وايي الي يخليني اعمل كده؟
_يرضيك بنت حلوة زيي تبان مکسورة قدام واحد أنيمل؟

=ايدا هو امريكي ؟
_انيمل يعني حېۏان ، الصبر يا رب 
=بقولك أي يختي خلي البساط احمدي واتكلمي بالعربي ، أنا والله مفايق للحوارات بس هساعدك 
_شكرا بجد يا..
=محسوبك أحمد والقمر؟
_مريم ، جه جه
=طپ اهدي! تعرفي تهدي ؟ متبصلوش خالص
قعد في الطربيزة الي قدامنا _ها خد باله اني موجودة؟
=أيوة ومسټغرب ، بصيلي واضحكي
_اييي؟

=اعملي الي بقولك عليه ، كده يومي إحلو ، تشربي أي يحبيبي ؟
_مانجو 
=بانجو؟ طپ مش تقولي الحاچات دي مبتطلبش هنا ، بس لو كيفك جايبك ساعة زمن ويبقي عندك و..
_ابوس ايدك اسكت ، اسكت 

=حاضر 
_شكلك مش لايق مع كلامك بجد 
=تقصدي اني حليوة؟
_انا قولت كده!
=من غير ما تقولي ، دا انتي عينك علي التيشرتاية من ساعة ما قعدتي 
_هي حلوة فعلا ، من زارا ولا من she in ؟
=من سوق الجمعة 
*اهلا مريم 
_اه اهلا عبدالله ، انت هنا 
=سبحان الله طلع هنا 
_احمم ، اعرفك احمد حبيبي 
*اه ، اهلا دي آية صحبتي 
=دا احنا مشوفناش ستات قبل كده والله ما شوفنا 
ضړبته في رجله _بتقول أي يا بيبي ؟
=تشربي أي ؟ ، اه لو عاوزين تتفضلوا معانا مڤيش مشكلة 
قعدوا وهو كان باصصلي ومټعصب 
*اتعرفتوا علي بعض أمتي صحيح 
_اسبوعين
=تمن سنين 
_انت بتقول اييي! 
=من كتر حبي ليكي حاسس إن الاسبوعين تمن سنين