اسمى حياة من26الى33

لا ي ست بسملة انا كدة كويسة ميرسي
حياة حنان حبيبتي انتي عارفة مشكلة سند ..هو وضعه خاص مش زي اي شاب عادي يعني ما تستنيش منه أنه يبصلك و يعجب بيكي و يصارحك لأنه مش ممكن يتجرأ و يتكلم عن الموضوع ده مع اي واحدة ... الرفض اللي اتعرضله من كذا عيلة بسبب موضوع النسب خلاه يتقفل من الموضوع ده خالص اديكي شايفة بقالي سنين باحاول معاه بس كل ما أفتح الموضوع يغيره او يسيبني و يطلع خالص . . 
حنان بحزن يعني على كدة عمره ما هيشوفني كحبيبة  
حياة مش عارفة ...بس انتي لو تعملي اي حركة تبين له يمكن !
حنان خلاص ...خلينا نروح هنبقى نشوف الموضوع ده بعدين .
لا انا مش هاروح دلوقت اطلعي مع بسملة ..انا هاعدي على نيرة كمان شوية ...كانت محتاجة شوية مراجع عشان اجيبهالها لما اسافر ...عايزة اتأكد من عناوينها معاها انتي عارفة ان هي ف آخر سنة صحافة و بتحضر مذكرتها
حنان اااه قلتيلي نيرة .. طب ما نروح البيت و تبقي تكلميها واتس 
لا انا كمان كنت جايبالها شوية حاجات من لندن و من يوم الحكاية إياها و الشنطة في صندوق العربية و انا في البيت 
هي كلمتني عليهم بما اني طلعت النهاردة مش هاقدر أتأخر عنها اكثر من كدة
حنان بزعل يعني بعتيني اوام !! 
انتي عارفة ان اختي نيرة خط احمر ههه ...ما اقدرش أتأخر عنها حتى لو طلبت عينيا و ما تخافيش يا ستي أوعدك اني هاساعدك في موضوع سند 
يالا امشي انتي و هي من وشي الساعة دي 
شايفة يا بسملة الواطية بتطردنا من الكفيتريا قال و احنا اللي جايين نونسها !! 
خلاص بقى امشي قدامي احنا ما صدقنا انها ضحكت 
بصتلي بسملة بحب و كملت هنكلمك بعدين يا قلبي .
عدت الايام و بقيت اروح كثير الكفتيريا دي ...فعلا ماما كان معاها حق ...انا حسيت فيها براحة نفسية و مش بيعدي اسبوع من غير ما اروح و لو مرة .
قاعدة في اوضتي و ماسكة تلفوني و ببص على صورة اتبعثتلي و ابتسم على الخبر اللي وصلني ... أخيرا ارتاح قلبى و بردت ناره و لو شوية اتقبض على حمزة في شقة مشپوهة و اتحكم عليه بعشر سنين سجن بسبب بلاغ من مجهول ..اتاري الأكثر انوثة مني اللي كان فالق دماغي بيهم كل يوم و بإنه كان يعرفهم مش اكثر من شوية ولاد ژبالة ومنحرفين زي حالته .. أكيد عندكم فضول عشان تعرفوا مين المجهول ! 
مش من عادتي انتقم من حد ...و باعتبر إن أفضل اڼتقام للي أذاني و ظلمني هو اڼتقام رب العالمين و عدالته و قررت أسيب ربنا ياخذ لي حقي ..و كان ممكن اعدي لحمزة او انساله كل الاذى اللي اتسبب لي فيه من ضړب و اهانات و اسيبه لربنا يتولاه
بس مكانش ممكن أبدا اسامحه عن الكلام اللي قاله عن حسام قدامي ولا على السلسلة اللي قطعهالي و لأن حسام بالنسبة لي خط احمر كان لازم حمزة يتعاقب .. عملت اتصالاتي و خليتهم يراقبوه و يعملوا معاه الواجب في اللحظة المناسبة .
اما والدته هدى صافيناز عمتي ...دول هسيبهم لعدالة ربنا 
و هأفضل مستنية اليوم اللي ربنا يشفي لي قلبي اللي اتكسر بسببهم ...و أشوف فيهم يوم .
هتسألوا ازاي انا و حسام ما اتقابلناش قبل كدة ولا دورنا عن بعض طول الثلاث سنين بسيطة 
بالنسبة ليه ...انا ساكنة بعيد عنه ...هو ميعرفش حاجة عني من يوم ما اتجوزت يعني هو طول الوقت ده فاكرني عايشة مع جوزي في محافظة تانية ولا يعرف اني اتطلقت ولا يعرف اخوي سند ولا يقدر يعرف اني اشتريت بيت ست سميحة ..مين هيقوله  
ما انا قطعت كل اتصالاتي مع اهلي و مع هدى ...ما عدا نيرة اللي كنت باتواصل معاها واتس او نتقابل في أي مكان عام ..و محلفاها حتى لو قابلها صدفة ما تقولوش حاجة .
بالنسبة ليا هو متجوز ادور عليه بامارة ايه و بعدين انا طول المدة دي فاكرة أنه عايش معاها هناك ...و حتى لو فيه احتمال أنه بيجي هنا كنت باتجنب كل الاماكن اللي ممكن اشوفه فيها و مش عايزة اعرف حاجة عنه لإاني خاېفة الاقيها معاه و اتحط في موقف بايخ او ممكن تتفتح چروحي تاني و انا ما صدقت ان ۏجع قلبي خف .
بس بصراحة من لما اتقابلنا انا و والدته و انا بقى عندي احساس غريب بإنه قريب مني اوي و اقرب مما اتخيل .و مش في لندن ولا حاجة ...و من يومها و انا حاسة اني عايزة اقابله اوي 
و اني ممكن اشوفه ف أي لحظة هنا في اسكندرية 
حدسي كان في محله...و جيه اليوم اللي انا خفت منه دايما
يوم المواجهة
في يوم كنا كلنا