ذات ١٧ عاما ولكن من31الى37 بقلم ايه طه

زوجته من غرفتهما وتفتح رهف الباب وتجرى على غرفه جدها وهى خائفه.
الجد ايه يارهف ياحبيبتى مالك بتعيطى وخاېفه كدا ليه.
رهف وهى تبكي ماما وبابا بيزعقو جامد وانا خاېفه ياجدو.
ذات_17_عاما_ولكن
بقلم_ايه_طه
البارت
 الجد رهف بس ياحبيبتى مټخافيش هما تلاقيهم بيتكلمو عادى بس علشان انتى دلوعه خفتى بس تعالى يلا بينا نروح عند الواد جاسر نشوفه بيعمل ايه.
وذهب الجد مع رهف لغرفه جاسر ليجده على فراشه يستعد للنوم.
الجد انت نمت ياجاسر يابنى.
جاسر لا ياجدو انا لسه صاحى.
الجد طب كويس اقعد هنا مع رهف العبو مع بعض ومتخلهاش تطلع ماشي عقبال ما اجى اخدها.
فهم جاسر الوضع وتلميحات جده لان الوضع دا متكرر ومش جديد يعنى.
ذهب الجد لغرفه محمود.
الجد هو كل يوم على الزعيق والصوت العالى دا انتو مش محترمين ان البنت كل يوم پتخاف اكتر من اللى قبله وانتو كدا هتبوظو نفسيتها في ايه خلاص مبقاش في احترام للبيت ولا الناس اللى عايشين معاهم.
محمود انا اسف والله يابابا بس انا تعبت منها وهى مش عايزة تفهم.
منال افهم ايه انك واحد بعقليه متخلفه وبتفكر بعقليه 100سنه ورا فيها ايه يعنى لما اخرج اسهر مع صحابي مش عارفه اجرمت انا ولا اجرمت.
محمود لا مش چريمه بس ميبقاش كل يوم سهر وكمان لوش الفجر وترجعى تنامى للمغرب هو ايه بيتك وبنتك وانا ملناش حق عليكى زى صحابك ولا ايه.
منال ياسلام هو انا سايبه بنتى فى الشارع انا سيباه مع جدها ومرات عمها ومطمنه على البنت معاهم وبعدين انت كمان طول الوقت بتشتغل ومش فاضي خالص الصبح فى الشركه ولما بترجع بتقعد على تصاميمك لاخر الليل انا اقعد بقى اعمل ايه.
محمود تقعدى مع بنتك علشان هى مسؤليتك انتى مش مسؤليه ابويا ولا مرات اخويا وبعدين انا بشتغل كل دا ليه مش علشان اعرف البيلك طلباتك اللى مش بتخلص ومصاريفك اللى مش فاهم بتروح فين.
منال يا سلام بقيت انا الشريره وانت الملاك البرئ يعنى.
محمود لا دا انتى.....
الجد ايه مش عاملين اعتبار ليا خالص وكمان بتتخانقو قدامى 
منال انت مش شايف بيتكلم معايا ازاى ياعمى.
الجد بس مش عايزه اسمع نفس انت انزلى تحت فى المكتب علشان اتكلم معاك شويه وانتى يابنتى غيري هدومك واستعيذي من الشيطان وخلى الليله دى تعدى على خير.
منال انا اسفه ياعمى im sorry انا فى معاد بينى وبين صحابي وهما زمانهم مستنين مينفعش الغى الخروجه كدا فجاه.
الجد يابنتى اسمعى الكلام خلى الليله دى تعدى على خير مهو صحابك مش اهم من بيتك وبنتك يعنى.
منال يووووه كل شويه بنتك بنتك انا اصلا مكنتش عايزة اخلف دلوقتى انا لسه صغيره وكنت عايزه اتهنا بشبابي من غير قيود بس انتو قعدتو تقولو خلفى خلفى وضغطو عليا لحد ماخلفت سبوني بقى اتهنابشبابي وانتو شيلو البنت مش انتو اللى كنتو مستعجلين على الخلفه خلاص.
محمود وهو يضرب منال بالقلم لما ابويا يتكلم معاكى تردى باحترام الظاهر كدا انا دلعتك كتير اقول بكرا تعقل بكرا تعقل لكن انتى مش بتعقلى.
منال انت بتمد ايدك عليا يامحمود انت اټجننت.
محمود ايوة اټجننت دا انا فوقت متاخر انا كان لازم اعمل كدا من زمان.
منال طب والله منا قعدالك فيها وخرجت من الغرفه.
محمود فى ستين داهيه بس يكون فى معلومك لو خرجتى من البيت دا تكونى طالق.
الجد لا يا محمود يابنى ليه كدا طلاق ايه بعد الشړ انت ناسي انى فيه رهف بينكم.
محمود خلاص يابابا انا مش قادر اتحمل اكتر من كدا انا لسه مديها 10 الاف جنيه امبارح وعايزة زيهم النهارده معرفش بتصرف الفلوس دى فى ايه وعايشتها كدا مش مريحانى وللاحسن لرهف اننا ننفصل احسن ماتشوفنا كل يوم پنتخانق كدا.
الجد طب اهدى يابنى وانزل ورا مراتك ورجعها واستعيذ بالله من الشيطان اللى دخل بينكم دا.
محمود والله لا رايح ولا اجاى انا قولت كلمه وهى بقى اشوف هتعمل ايه وانا مش راجع فى كلمتى تانى وبعد اذنك يابابا عايز اقعد لوحدى شويه.
خرج الجد من غرفه محمود وهو نازل على السلالم لمح ابنه احمد.
الجد احمد يابنى تعالى بسرعه.
ذهب اليه احمد مسرع خير يابابا فى ايه انت تعبان.
الجد لا بس