رواية لو كنت اعرف الفصل الرابع عشر بقلم ميمي عوالي حصريه وجديده

رغم انه كان يبان بسيط و كان نازل كله على ضيق لكن من نص الرجل من ورا بيبتدى يبقى فيه طبقات مزدوجة مسحوبة بذيل طويل حوالى تلاتة متر او اكتر ومعاه طرحة بنفس طول الفستان والديل بتاعه
الا ان ايمان انبهرت بشكله وسرحت بحزن اكنها بتتخيل نفسها جواه يوسف ساب الفستان على السرير وقرب من ايمان قاللها رغم ان فستان فرحنا هيبقى اغلى واقيم منه بكتير الا ان الفستان ده هيفضل له قيمة عندى اغلى بكتير لانه الحاجة الوحيدة اللى فضلت مشاركانى وجعى السنين دى كلها ياما نام فى حضنى وياما شرب دموعى وانا بجلد روحى كل ليلة على بعدى عنك وخسارتى ليكى وعشان كده عاوزك تحتفظى بيه مع فستان فرحنا وماتفرطيش فيه ابدا
ايمان طب وليه يبقى فى فستان غيره مانا ممكن 
يوسف بضحك ممكن ايه بقى دى المقاسات اختلفت خالص يا ايمو 
ايمان بنرفزة بطل وقاحة
يوسف قرب من ايمان وشدها من خصرها قربها منه بزيادة وقاللها وقاحة مش عيب زوجة محترمة توصف جوزها بالوقاحة فى يوم مبروك زى ده
ايمان بټهديد وهى بتحاول تبعد عنه ابعد يايوسف احسنلك احسن اعلى صوتى وتلاقى بابا فوق دماغك دلوقتى
يوسف بمرح عارفة لو جابولى الامن المركزى ذات نفسه بقواته الخاصة ماحدش له عندى حاجة واحد ومراته مالهم ومالنا بقى
ايمان بخجل وهى لسه بتحاول تخرج من حضنه طب وسع بس شوية
يوسف حاضر هوسع بس بعد ما اباركلك ومال على وشها وباسها من جبينها بعمق لدرجة انها استرخت فى وقفتها قدامه وهى مستمتعة بلمست شايفة على جبينها حست بحبه اوى فعلا فى بوسته دى 
اول مايوسف رفع شفايفه ببطء من على جبينها ضمھا فى حضنه بشده خلت ايمان ترفع ايدها وتبادله حضڼ بحضن 
ايمان لحظتها حست ان جسمه بيتنفض او بيترعش مابقتش فاهمة هو ماله لكن وقتها اكتشفت انه بيبكى وكل ماكان يبكى اكتر كل ماكان حضنه ليها بيشد اكتر ايمان بدل ما تحاول تهديه لقت نفسها بتبكى معاه 
يمكن كل واحد كان بيبكى على وجعه هو لكن فى الاخر كان بيجمعهم وجعهم المشترك .. الفراق
بعد ما هم الاتنين ابتدوا يسيطروا على انفعالهم يوسف قال بمرح هو المصرى المصرى مافيش فايدة نفرح نعيط نزعل نعيط 
وبعدين سحب نفسه بعيد عنها وقاللها وهو بينشف دموعها و دموعه اوريكى بقى حاجة تانية 
ايمان ولسه العياط مأثر على صوتها هتورينى ايه تانى ايه كنت جايب بدلة مع الفستان 
يوسف بضحك الصراحة ااه بس لبستها و دوبتها من زمان
ايمان وكان واضح على صوتها الغيرة ايه لبستها لما اتجوزت روفيدة
يوسف ضحك جامد وقاللها تصدقى انى اصلا ماكنتش لابس بدلة لما اتجوزت روفيدة كنت لابس بنطلون وقميص
ايمان اومال لبستها ودوبتها كمان فى ايه
يوسف فى الشغل يا حبيبتى وسهرات الشغل
ايمان اومال