الحلقه السادسه والسابعه والتامنه رواية_ربع_دستة_ظباط ( دمج بين رواية مارد المخابرات و رواية مخابرات خلف الاسوار) بقلم / اسماء جمال جمعه ( Soma Ahmed )

الحلقه السادسه والسابعه والتامنه رواية_ربع_دستة_ظباط
دمج بين رواية مارد المخابرات و رواية مخابرات خلف الاسوار
بقلم اسماء جمال جمعه Soma Ahmed 
مالك و صفوت برا صوتهم عالى .. فهد جوه سمع صوت مالك .. قلبه إتهز و مش عارف بجد و لا إتهيأله بس وجوده ف مكان تبع صفوت و إنه كان مالك تبعه خلاه يحس إنه سامع مالك بجد مش إتهيأله ..
لف بعينيه حواليه لحد ما بص للقزاز و رغم إنه متفيم بس دقق فيه قوى و هنا شاف مالك و إتقابلت عيونهم ف نظره غريبه قوى .. قوى قوى .. جواها حاجات متشفره بقلوب صحابها يستحيل تتفهم غير منهم ..

مالك لمحه من ورا القزاز و للحظه معرفش يعمل ايه ! لو فتح الباب هيضيعه و لو كسر القزاز ممكن فهد يتحرك او صفوت يعمل اى حركة غدر ..
فهد حقق من مالك و عرف إنه بجد و ف لحظة صډمه او ذهول إتناسى الموقف و حاول يقف ف نفس اللحظه اللى مالك صړخ پجنون اوووعى يا فههههد .. اووووعى
الكلمه كانت مقصوده تنبه فهد بس لغت عقله او حدفت عقله لذكرى تانيه كانت الادوار بينهم متبدله ف معرفش يفكر و جسمه رخى تانى ع الكرسى بعد ما كان بيهم يتحرك ..
مالك قرب پجنون و حاول يتكلم بس عارف ان فهد مش سامع ف عمال يشاور مع كلامه متتحركش .. متتحركش يا فهد .. ثوانى .. خليك مكانك .. زى ما انت متتحركش
فهد ڠصب عنه عيونه دمعت و الدموع إبتدت تنزل ورا بعض .. مش عارف يحدد سببها .. عشان اما كانت الادوار متبدله بينهم هو مسمعش لمالك .. و لا عشان مالك خد الموقف اللى المفروض هو كان ياخده سابق .. و لا عشان من كتر البعد اللى كان بينهم بمزاجه ربنا دلوقته فرضه عليه ڠصب عنه .. مش عارف !
مالك رجع خطوات لورا بس لسه عينيه متعلقه ع القزاز اللى فهد وراه و بيشاورله يفضل ..
بص وراه لصفوت اللى متابع ردود افعالهم و حس ان القدر نصفه بوجود فهد هنا اللى مكنش مترتبله خالص ..
صفوت ضحك بصوت عالى ده انت طلعت غبى بجد بقا
مالك پحده ابعد عن فهد و خرجه من اللى بينا احسنلك
صفوت قلب بوقه بتريقه انت عارف إنه كان جاى يدور وراك هنا كان جاى ورا بنتى مش عشانى ! عشان يعرف منى انت متورط معايا و لا لاء و متسألنيش عرفت ازاى لإنك اكيد متوقع إنى متابعه .. بس الغريبه إنك باقى عليه بعد كل ده !
مالك پحده ملكش دعوه .. خرجه من اللى بينا و إلا
صفوت ضحك بإستفزاز و إلا ايه انت مش شايف الموقف لصالح مين يا راجل ده انا كنت فاكر ان رقبته هو اللى تحت إيدى بس طلعت رقبتك انت
مالك بينقل عينيه على فهد كل ثانيه و يرجع يبص لصفوت اقسم بالله لو جراله حاجه لا رخليك تتمنى احرقك حى و ترتاح
صفوت ضحك اكتر اعترفلك إنى اه مكنتش حاطك ف حساباتى إنك هتطلع عايش و إنى كنت مفكر إنه جاى من نفسه او حتى مسك القضيه خاصة إنه متواصل مع مراد العصامى و عشان كده سيبته يجى برجليه و اساوم عليه .. بس عارف احسن إنك انت اللى جيت .. اصل هو مش هيلزمهم و لا هيبوظوا القضيه عشانه عشان يشتروه .. لكن انت من الواضح إنه يلزمك ف خلينا نقعد و نتكلم و نحط اتفاق جديد
مالك خد قبلى بعدها نتكلم
صفوت بثقه مش لما تبقى ضامن إنك هتخرج انت الاول 
مالك بجمود مفهاش مساومه .. لاخر مره هقولها .. خرجه
صفوت نتفق الاول
مالك كان بيراوغ معاه ف الكلام او بيحاول يمط الموقف لحد ما الباقى برا يرتب خطواته بعد ما الكل إتفاجئ بوجود فهد اللى مكنش جزء من خطتهم ..
هو هجومهم عليه سهل بس الاوضه اللى فيها فهد عليها حراسه ممكن لو صفوت وقع بإشاره بسيطه من عينيه الحراسه تزق الباب و فهد اللى هيقع !
صفوت لاحظ شروده و حس بإنتصار حتى لو بينه و بين نفسه عارف إنه انتصار صغير لإنه لسه مش عارف هو عايز ايه بالظبط من مالك عشان اتفاجئ بوجود اقعد
مالك پحده إخلص انطق
صفوت قولى الاول انت لسه تبع الداخليه و لا لسه رامينك زى الكلب 
مالك عينيه إتجمدت بغل و صفوت عرف إنه إتكى على نقطة ضعفه عشان اعرف بس انا هطلب منك ايه
فهد جوه مستنى رد مالك ع السؤال اكتر ماهو مستنى رده على طلب صفوت إنه هيتفق و لا لاء !
مارد برا كان اخد خطوات لورا و إبتدى يتابع الموقف من بعيد و يونس و مصطفى و مازن و امنيه معاه ..
شاور بعينيه على كذا جهه لكل