الحلقه التاسعه والعاشرة والحادية عشر رواية_ربع_دستة_ظباط ( دمج بين رواية مارد المخابرات و رواية مخابرات خلف الاسوار) بقلم / اسماء جمال جمعه ( Soma Ahmed )

لفت عينيها ناحيته ببطئ مريب لحد ما إتقابلت نظراتهم ف نظره شبه السكاكين ف حدتها او حدة ۏجع ضرباتها ..
عقلها ورالها يوم ما راحلها الشركه .. شكله و ملامحه و الهدوء الممېت اللى كان فيه !
صوته المبحوح و هو بيقولها انا ما صدقت اتلصم فيكى عشان اعرف اعيش اوعى تسيبينى !
قالها هتندمى و اديها دلوقت بس بتحس احساس اپشع من الندم بمراحل ! كل الاحساس اللى حسته من يوم الحاډثه حاجه و احساسها ف اللحظه دى حاجه تانيه خالص !
القاضى الباخره صلتك ايه ب باخرة العريش و ب باخرة بورسعيد اللى إتحرقت و الناس اللى كانوا طالعين بيها 
مالك حاول يسكت شويه قبل ما يتكلم عشان يرتب انفعالاته من نظرات حلم او الچروح اللى إتفتحت بينهم دى اولا باخرة العريش انا حقيقى معرفش عنها حاجه .. عرفت عنها من صفوت بالكلام لكن ما اتعاملتش ف الموضوع ده بنفسى .. عرفت انها كانت للهجره غير مشروعه او قانونيه سواء ذهاب او عوده .. يعنى بيدخلوا من خلالها افارقه و اجانب و جنسيات مختلفه بدون رسومات او اوراق او اى اجراءات قانونيه .. مجرد مقابل مادى .. و بردوا بيخرجوا من خلالها ناس من البلد بنفس الطريقه شباب بقا عايز يهج من البلد او خارجين عن القانون عايزين يهربوا او واحد لاطش كام مليون و بيخلع بيهم بس للأسف اغلب استعمالاتهم هجرة البنات و اكيد عارف خروج بنات من البلد و بالطريقه دى غرضه ايه و عرفت كمان ان عادل اللى كان مشغلها
عادل صړخ ف القفص جنبه لا يا باشا .. لا مش بتاعتى .. انا .. انا بس كنت بتحرك بيها .. انا مليش دعوه ب اى حاجه كانت بتتم عليها او بيها
مالك هى فعلا الباخره ب إسمه بس بضمانات لمالكها الحقيقى اللى هو صفوت و الاوراق اللى قدمتها ف التحقيق من قلب مكتبه و التسجيلات معاه بتثبت ملكيته لها و طبيعة شغلها
القاضى بص لصفوت اول ما زعق انا مبعملش حاجه ڠصب عن حد .. انا يدوب بسفرهم من مستنقع الذباله ده اللى بتقولوا عنه بلد و فخورين اوى بيها و بتعرضوا نفسكم للخطړ عشانها و واحد غبى زى ده يخاطر بحياته و بيته عشانها ! بسفر الشاب اللى مش لاقيله فيها لقمة عيش حتى لو عيش حاف ! بسفر الراجل اللى مش لاقى ياكل و بيشتغل ف حكومتكم زى اللى مربوط ف ساقيه و اخره الف جنيه ف الشهر ده ان كملهم و مطلوب منه يشيل بيت ! بسفر البنات اللى كده كده هما جوه بلدكم بيعملوا اللى بيسافروا يعملوه برا و الحكومه عارفه هما بيعملوا ايه جوه و ف الكباريهات اللى بترخصها بنفسها ! هتفرق ايه بره عن جوه 
القاضى دب ع الترابيزه يقطع كلامه اكتر من مره متنطقش إلا اما يتسمحلك
صفوت زعق لاء هتكلم ! انا مبضربش حد على إيده ! مبروحش لرجالة بلدكم اقولهم تعالوا خدوا سلاح ! منى او من غيرى هياخدوا و يجيبوا و ېخربوها و هيفضلوا ېخربوها ! و لو فاكر إنك لو خلصت من الشماعه كده هتوقع الفساد تبقى غلطان يا باشا ! الشماعه اما بتقع كل اللى متعلق فيها بيتبعتر اه بس بيقوى و يعافر و يكمل حتى و لوحده و بيقوى اكتر و هيفضل الفساد ليوم الدين زى ما إبتدى من يوم الخلق
القاضى شاور للعساكر جمبه ف القفص يسكتوه او يتحركوا بيه جوه لحد اخر الجلسه و صفوت بيزعق اكتر هيفضل الفساد ليوم الدين زى ما إبتدى من يوم الخلق فااهم هيفضل الفساد ليوم الدين زى ما إبتدى من يوم الخلق
القاضى رجع بص لمالك و بعدين 
مالك بص لمراد قبل الحاډثه بتاعتى ب كذا يوم صفوت طلب اخلصله صفقه من النوع ده و انا اللى حطتله فكرة اننا نتحرك بالباخره بتاعتنا بشكل وهمي من العريش عشان عارف إنه كان بيختبرنى خاصة مع ظهور هامر لأول مره ف الصوره .. ف كنت محتاج اطمنه اكتر و يضمن إنى معاه عشان اجيب اخره خاصة ف النقطه دى .. كنت محتاج الموضوع يكمل عشان اوصل لشبكة الدعاره تبعهم اللى برا البلد و بيتوردلها البنات دى و مين راسها هنا ف البلد و بيجيب لهم البنات دى و هل بيسفروهم و هما عارفين رايحين ليه و فين و لا بمجرد بيطلعوا من البلد بيقعوا ف الشبكه اللى بتقفل عليهم
القاضى البنات دى متعرفش حاجه 
مالك لاء متعرفش مجرد فرق إستعراضيه بيتعامل حد من رجالتهم هنا مع شغلهم و يوهمهم بالشغل برا و بمجرد ما بيخرجوا محدش بينجدهم و لا هما بيعرفوا يلجأوا للسفاره او اى ملجأ او مستند قانونى عشان البلد متعرفش بخروجهم اصلا و بكده