وسولت لى نفسى الجزء38الى44

التحكم بذاتها مهما بلغ الامر هو زوجها ويغار عليها
انا مش هبررلك الاول علاقتي بيه إعتبرتني غلط واتكملت معاه بحسن نيه وبإعتبراه راجل كبير حتى لو غلط... حد قالك ياليث إني ملاك مش بيغلط مفيش حد مهما بلغ إلتزامه معصوم من الغلط ومش معني إني بجاهد نفسي وانصح الناس يبقى مبغلطش خالص هنا بقى ييجي دورك انت إنك تنصحني ممكن انا اعمل الغلط وماخدش بالي إنه غلط غير لما حد ينبهني لأن كلنا بشړ وبنغلط
نيجي بقى للموضوع الاساسى أولا عمي ربيع أعرفه من وانا صغيره كان عنده بنت وتوفاها الله وكانت نفس اسمى لما شافني قالي إني بفكره بيها.. مش هنكر إني كنت بتعامل معاه عادي وكنت بجيله على طول اسلم عليه لأنه كان بيفرح لما يشوفني لكن لما كبرت حاولت إني اخفف تعاملي معاه بس برضو مش بعامله زي الغرب 
وللعلم اول واحد حكتله عنك وخدت رأيه وهو اللي خلاني اوافق
انا معرفش اذا كان صح ولا غلط لكن هنرجع لنقطه إني بشړ مش ملاك ووارد إني اغلط ياليث.. بحس الناس مبتصدق حد بيحاول يتلزم إنه يغلط 
لما تلاقيني غلطت إنصحني ياليث مش تزعقلي وتش.. بترت كلمتها ألاخيره هى دائما تشعر بأن ليث شخص شكاك أكثر من كونه غيور ولكنها تحاول جاهده بأن لا تفتعل مشاكل بينهم ومجددا شعر ليث بالڠضب من ذاته.. كيف تجعله كل مره هو الخاطىء بحديثها المقنع الهادي
تنهد ليث وهو يغمض عيناه ثم أمسك يدها وقال
كل مره اسلوبك بيخليني احس بالذنب من نفسي وإني غلط حتى لو مش غلط.. أنا آسف بس رجاءا ياحور راعي إني لما بغير مش بتحكم فى ڠضبي
حاضر ياليث.. خلينا فى المهم شوف الشربات اللي جبتها!!
رايحه تيجي شربات التلاته بعشره من على العربيه يبنتي هو انا حارمك من حاجه ولا مجوعك
اسكت انت متعرفش الشربات اللي التلاته بعشره دول بالنسبالي اى من يوم ما عملت فيها بنت ناس وبقيت بجيب من الواحد بعشره دول وهو كل يوم يضيعلي واحد عندك دول بقى يفضلوا معايا طول السنه ومستحيل يضيع
.. كمان جبتلك شربات خد شوفها نظر لها ليث بتشنج وعلامات الاستعياء باديه على وجهه
انت عايزاني انا البس شربات من على العربيه تعرفي تمن الشراب الواحد بس اللي بجيبه بكام!
ومالها دي.. مش بتقضى الغرض وخلاص جرب كدا تجبلك منها وباقى الفلوس اللي كنت هتدفعها فى الشراب البراند تديها لحد محتاج
منا ممكن اجيب البراند وادي لحد محتاج برضو مدام ربنا رازقني لكن مينفعش اروح اجيب حاجات من دي الناس تقول عليا اى
مهي دي المشكله يا ليث الناس
احنا بنروح نجيب الماركات عشان بس الناس.. الساعه ام 1000 جنيه هتقضى نفس غرض الساعه ام 100 
والعربيه ام خمسين الف هتقضى نفس غرض العربيه ام مليون جنيه دي بتسوق ودي بتسوق لكن احنا اهم حاجه اننا نجيب اعلى حاجه ونقلد الغرب
جرب كدا تجيب حاجه اقل من اللي كنت بتجيبها وباقى الفلوس اديها لحد محتاج ربنا سبحانه وتعالى قال إن المبذرين كانوا إخوان الشياطين
ومش معني كدا انك تحرم نفسك او تمشي مبهدل لا اهتم بنفسك واللبس حلو وشيك بس في حدود المعقول 
ونتعود نوفر دايما مادام دا هيدينا نفس الغرض
لم يقتنع ليث بحديثها كله يرى بأن الإنسان من حقه أن يتفاخر بأمواله وأن يظهر غناه فقد تعود ليث على حب المظاهر وليس العيش ببساطه ولكنه لم يرد أن يجادلها كثيرا ويوافقها فى الرأى
اتأخرنا على الاجتماعك.. عاجبك كدا
قولهم إننا أتاخرنا عشان كنا بنجيب تلات شربات بعشره.. هتلاقيهم سابوا الاجتماع وراحوا كلهم يجيبوا ضحك عليها ليث وهو يجذلها لتسير جواره
انت مفيش فايده فيكي ابدا
لا إلا إلا أنت سبحانك... إني كنت من الظالمين
وصل محمود إلى المكان الذى ابلغه به المتصل فكان مكان مهجور ډخله وهو يزيح الاتربه حتى ابصر محمود أمامه وقف ينظر له بجمود وهو يتحدث
فين آبني يا حامد كانت تعابيره وجهه جامده.. عيناه حمراء بشده ولده كان على قيد الحياه كل تلك المده وهو لا يدرى
طب مش تسلم عليا الاول ياخي جاى مستعجل كدا ليه 
تحدث ببرود وبإبتسامه مستفزه 
قولتلك فيين ابني يا حامد كرر سؤاله وهو يمسكه من ثايبه پعنف تعكس طبيعته الهادئه أبعده الاخير عنه بهدوء
تؤ تؤ براحه على أعصابك.. قطع حديثه وهو ينظر له يخبث ثم تابعانت مش متخيل أنت صعبان عليا اد اى 
يعني ياعيني بعد العمر دا كله ابنك يطلع عايش.. مش دي المشكله المشكله انه بقى مريض نفسي ومقعد.. طلعت عقدي كلها اللي عملتها فيا زمان على أبنك
نظر له محمود پصدمه هو لم يفعل له شىء بتاتا.. بل حامد هو من استمر بإذائه
بس انا عمرى ما آذيتك يا حامد وانت عارف كدا طول عمرك اللي مبتحبش الخير لحد وانت اللي آذتني انت دمرتلي حياتي مش بس آذتني
مهو كل دا بسببكك.. انا بكرهك وعمرى ما حبيتك يا محمود ولا اعتبرتك صاحبي كل حاجه كنت انت اللي بتاخدها دايما عامل نفسك الكل فى الكل وانك الواد اللي مفيش منه انت خدت كل حاجه ليك لوحدك حتى صحابنا كانوا بيحبوك انت وانا لأ
كنت بنمشي معاك والكل بيقف هزر ويضحك معاكم ماصدقوا شافوك وانا ولا كأني موجود كأن حامد دا هوا
حت.. حتي البنت الوحيده اللي حبتها لقيتك جاى تقولى إنك خطبتها وانا كنت بحبها من قبل ما انت تشوفها حتى 
لكن هي كمان اختارتك انت لكن شوف انا خدت منك كل حاجه
توقف عن الحديث وهو يضحك بهستريا تشبه المجانين جعلت محمود يتأكد بأنه مريض نفسي
خدتها منك.. وخدت ابنك منك وډمرت حياتكم... وعيشتك فى وهم إنها هي اللي سابتك بس الحقيقه انا اللي أجبرتها تعمل كدا
طالعه بخبث حين وحد نظرات الصدمه باديه على وجهه 
إقترب منه محمود ليضربه ولكن سبقه الاخر وهو يضربه على رأسه 
بابا كان هذا آخر صوت يسمعه محمود قبل أن يقع أرضا
يتبع
روان_الحاكم
وسولت_لى_ نفسي 
ف أعذورني
بارت بكره هيكون جميل وهيبسطكم كلكم
متنسوش دعواتكم ليا
دمتم سالمين
البارت التاسع والثلاثون
ثم تبتلى وتبتلى حتى تطأ قدماك الجنة فتغمس فيها غمسة وتقول والله ما رأيت شقاءا قط!
_____________________
توقفت روان تطالع المكان أمامها بإنبهار المنزل منزين بطريقه جميله لقد سرق قلبها حقا 
بحثت بعنيها عنه حتى وجدته.. كان زين يقف يعلق ماتبقى من البلالين
رسم شبح إبتسامه خفيفه على ثغرها مالبست حتى توسعت إبتسامتها بشده.. ثم أخذت تضحك بفرحه
هل فعل زين كل هذا لأجلها لم يكن زين من الأشخاص الجيدين فى فعل المفآجات ولكنه فعل لأجلها
ظلت تتابعه بحب لا تدرى هل المكان زين بشكل جميل لدرجه خطڤ قلبها ام لأن هو من فعل هذا 
إنتهى زين من العمل ثم إستدار حتى وجدها أمامه تنظر له.. حمحمت روان بإحراج بينما إبتسم لها زين وهو يقترب منها ثم قال
عجبك المكان نظرت روان لم اشار عليه... فكان زين قد قام بكتابه إسمها جوار إسمه على الحائط والمنزل مليء بلاليين باللون البنفسجي والتى تحبه روان بشده
لا تعلم كيف إستطاع أن يفعل ذلك بهذا الوقت القصير 
أومات له روان برأسها وهى تجيبه
جدا... عجبني اوي فرح زين وإبتسم حتى ظهرت غمازات وجهه سوف يفعل اى شيء لأجل سعادتها..
انت عملت كل دا لوحدك ازاى أردفت روان مره آخرى هم زين ليجيبها ولكن سبقه عمر وهو يقول
انا اللي عملت.. اصلا هو مكنش عارف يعمل حاجه وانا بخبرتي كمهندس انا اللي صممت الديكور تحدث عمر بفخر وهو يعدل من ياقه ثيابه.. نظرت له روان بشك وهى تضيق عيناها وقالت
بس انت مهندس مدني ياعمر مش ديكور سألته روان 
بينما توتر عمر وهو يجيبها
بس فى النهايه مهندس!! وضع زين يده خلف رأس عمر وهو يضربه برفق
انت مش هتتغير خالص كدا ياعمر
لأ... ولو مش عاجبك طلقني ضحكت عليه روان كان كلا من عمر وزين يبذلوا قصارى جهدهم لأجل إسعادها.. فا ماهي مقبله عليه ليس بهين
تابع عمر حديثه مره آخرى
انا بهزر.. الحقيقه إن زين أصر إن هو اللي عمل كل حاجه انا يدوب ساعدته فى بعض الحاجات كانت روان تعلم بأن زين هو من فعل هذا
هطلع انا علشان الحق أجهز لكتب الكتاب.. يلا ياعمر أخذ زين عمر معه فهو يعلم بأن ياسمين أخته سوف تبقى مع روان لتساعدها فى إرتداء ثيابها لذا أخذه معه لأعلى
ولم يعترض عمر حتى يسمح لياسمين بأخذ راحته مع أخته
دخلت ياسمين المنزل وهى تمسك بما قاموا بشرائه فى يدها فقد تأخرت بالخارج لانها نسيت بعض الاشياء وسبقتها الأخيره طالعت هي الاخرى المكان حولها بإنبهار
لأ... متقوليش إن زين أخويا هو اللي زين البيت كدا سألتها ياسمين بذهول لا تصدق بأن اخيها من فعل هذا
هزت روان رأسها بإيجاب وهى تضحك
هو بعينه أجابتها روان بفرحه لأجل إهتمام زين بها
ايوه يستي بقى الله يسهلك... طلع مش سهل برضو.. ربنا يوعدنا بحد زيه بقى ضحكت ياسمين وهى تمزح معها بينما نظرت لها روان بخبث ثم تحدثت
عمر هو كمان شاطر فى الحاجات دي عشان مهندس
يبخت اللى هتكون نصيبه بقى... هيدلعها حمحمت ياسمين بتوتر ثم أجابتها وهى تفر هاربه من أمامها تعلم بأن روان تقصدها بحديثها
ه.. هروح انا اشوف ورانا اى تعالت ضحكات روان على خجلها وقد تأكدت بأن ياسمين هي الاخرى معجبه بأخيها
لحقت بها لكي تقوم بإرتداء فستانها
عند زين دخل شقتهم وهو ينتظر عمر الذى ذهب لجلب البدله من المكوجي نادي على والداته فآتاه الرد من غرفتها
دخل لها وهو يطرق الباب أولا.. سمع صوتها بعد لحظات سامحه له بالدخول
وقف زين أمامها وهو يطرق رأسه ارضا كطفل صغير مذنب يبدو أن والدته مازلت غاضبه منه 
تذكر مشاجرته معها حينما أخبرها بأمر زواجه من روان.. هاجت وڠضبت ورفضت الامر بشده 
حتى أخبرها بأنها مريض لا ينكر أنها حزنت ولكنها ظلت مصره على رأيها
إقترب زين منها وهو يقبل يدها ورأسها ثم قال
من لما كنت صغير وانت وبابا علمتوني مسبش حد محتاجني إلا واساعده... اى أن كان هو مين تخيلي بقى لما يكون الشخص اللي محتاج مني المساعده المرادي اكتر إنسانه حبيتها وإن جينا للحق.. فأنا محتاجلها أكتر ما هي محتجاني.. 
صمت يرى تعابير وجهها والتى لم يبدو عليها التأثر بحديثه فوالداته كاى أم مصريه تريد سعاده إبنها وترى بأن روان لا تناسبه.. فهي فتاه مدلله منذ صغرها ولا تحب والداتها 
كانت فى البدايه ترفضها لهذا الاسباب.. الآن ذاد الامر سوء حينما علمت مرضها لقد حزنت عليها ولكن ذلك لم يشفع لها بأن تجعل إبنها الوحيد أن يتزوجها
هل توافق على زواجه منها وهى