عشق ومراد بارت16الى22

..ادهم دا فظيع دمه خفيف اووى ومچنون جدا زى منه الاتنين تحسهم مخلوقين لبعض
مراد ..فعلا انا معرفش انا مستحمله ازاى بس فعلا مقدرش استغنى عن رخمته ابدا
عشق ..فعلا وانا مقدرش استغنى عن هبل منه بتعمل جو فى البيت فظيع عارف ماما طول النهار بتجرى وراها بشبشب
مراد ..وطنط فريدة مامت ادهم بتشد فى شعرها بسببه
عشق ..الله يكون فعنهم يلا احنا وصلنا هنزل بقا
مراد مسكها من ايديها ..اتبسطى النهاردة يا عشق
عشق..جدا يا مراد ربنا يخليك ليا
مراد..ويخليكى ليا يا عشقي
عشق..يلا انا نزله بقا سلام يا حبيبي وراحت سابته بسرعه ونزلت من العربية
مراد ..كان فرحان اووى بكلمة حبيبي إللى مجرد هى قالتها حس ان قلبه بيرفرف ومشي هو بالعربية وكان طاير من الفرحه بس الفرح مش بيدوم بس الحب هيفضل محفور لحد من مۏت وحتى بعد مانموت لو فضل الحب موجود هنفضل نحب لحد منقابل إللى بنحبه فعلا الحب مش كلمه وممكن هو مش موجود كتير دلوقتى بس كفايه الحب إللى بين الصحاب إللى بيفضل موجود حتى لو ايه إللى حصل يعنى انا مش هلاقى زيهم ابدا إللى بيفضله جنبى واللى عمرى مزعلت منهم وحبه اقول ان عمر ما عيد الحب كان بين واحد واحده بيحبه بعض لا دة بين صحاب بيعشقه بعض الحب بين الصحاب دا شئ جميل لما تصحى برسالة من صاحبتك إللى بتحبيها وهى بتقولك بحبك يا زفته بتبقا سعادة ماتتوصفش لما يحصل عندك مشكله وتجرى تعيطى فى حضنها وتحكالها ديه حاجه ماتتوصفش لما صاحبتك ديه تغير عليكى من صحابك التانين ديه بجد بتحبك وعايزاكى على طول جمبها انا عارفة انه اسمها حب امتلاك بس الحب دا حلو اووى كتير اتسالت ايه اكتر حب نفسك فيه قولت حب صحابي ليا نفسي يفضله يحبونى على طول
ماتنسوش المتابعه عشان تشوفو باقي الحلقات ان شاء الله
الفصل 22
مراد وعشق ابتدأت مقابلتهم تقل بسبب امتحانات عشق إللى ابتدأت ادهم ومنه بمعنى الصح المجانين مش بيشوفه بعض خالص وكل واحد التانى واحشه بس خاېف ليكون التانى مش عايز يشوفه اما احمد فحس بالياس ان رنا ممكن تحبه بس يا ترى هيستسلم
عند عشق فى البيت
سهام وهى بتدخل الأوضة..عشق انتى صحيتى 
عشق ..لا يا ماما انا منمتش من خوف الامتحان
سهام ..يا بنتى كده مش هينفع مش هتعرفى تحلى
عشق ..دا اول امتحان وطبيعى انى اكون خاېفة
سهام ..ربنا معاكى يا بنتى
عشق ..يارب يا ماما
سهام ..هروح انا اصحى المجنونه التانيه علشان امتحانها هى كمان
عشق ..روحى ديه اصلا مش هتصحا غير بطبل البلدى
سهام ..هقول ايه ربنا بلانى بيها
وراحت سهام علشان تصحى منه
سهام ..منه قومى يا بت
منه بنوم ..بس بقا يا كلب يالى بتصحينى
سهام ..قومى يا زفته
منه بنوم ..لا مش هقوم وحل عنى بقا
سهام ..حاضر هحل عنك وراحت أقلعه الشبشب المصري الأصيل ونزلت بيه على منه 
منه وهى مفزوعه..اااااة ليه كده بس يا ست الاكل 
سهام ..بقا انا كلبه وحلى عنى دا انا هوريكى 
منه ..يا ماما ماتخديش على كلامى وانا نايمه
سهام ..يعنى انا غلطانه انى جايه اصحكى علشان الامتحان
منه..طب ليه السيرة ديه على الصبح
سهام ..يا بت انتى معندكيش قلق خوف معندكيش ډم
منه ..لا معنديش
سهام ..اة يا ربي صبرنى على البلاء دا وخرجت
منه لبست وراحت عند احمد الاوضه
منه ..مودى حبيبي 
بس احمد كان سرحان فى رنا ومش عارف يركز ولا سامع
منه بصوت عالى ...ااااااحمد
احمد ..الله ېخرب بيتك على بيتى فى يوم واحد
منه ..ما انت إللى كنت سرحان
احمد ..هو انتى كمان مش عايزانى اسرح زى بقيت البنى آدمين
منه ..حبيبي انت مش بنى ادم
احمد ..ليه كنت ايه
منه ..كنت من فصيلة القرود
احمد..نعم يا ختى امال انتى من فصيلة ايه
منه..العصافير
احمد ..اصدقك الخرتيت عصافير ايه إللى انتى بتوصفى نفسك منهم
منه..بس انت عمال تتوه على الموضوع علشان متقولش انت كنت سرحان في ايه
احمد بحزن..متشغليش بالك 
منه ..لا احكيلى
احمد..حشرية اقول ايه بس على العموم إللى حصل ......وحكالها على موضوع رنا
منه بحزن على أخوهاو صاحبتها ..انت عارف كل حاجه فالمفروض متزعلش ومتستسلمش
احمد .. هى حتى مش مديانى فرصة انى اقرب منها
منه ..خلاص انا هقولك تعمل ايه
احمد ..قولى يام دماغ سم
منه..انت لسه شوفت حاجه بص بقا..........
احمد بدهشة..يالهههوى على دماغك
منه..انا غلطانه انى عايزاها تيجى تقولك بحبك بنفسها
احمد ..خلاص تمام
منه ..شوفت منه مش اى حد
احمد ..طب ارحمى ادهم شويه دا شكله بيحبك 
منه ..حبه برص وغير كدة عمرى مارحمه هو لسه انا عملت فيه حاجه 
احمد ..الله يكون فعونك يا ادهم يا بنى 
منه..ملكش دعوه انت يا قرد 
احمد ..مين إللى قرد 
منه..انت 
احمد ..طب تعالى وانا هوريكى وطلع يجرى وراها وهى تجرى 
منه ..عااااااااا ووستخبت ومسكت فى عشق إللى كانت نزله الجامعه
منه ..خليه يسبنى فى حالى يا عشق
عشق ..اكيد عملتيله حاجه
احمد..حسبي انتى يا عشق يا حبيبتى 
عشق ..طب حسبوا يا مجانين انا ورايا امتحان وسابتهم ونزلت
منه لسه هتجرى مسكها احمد
احمد..مسكتك يا بطه ومحدش سما عليكى 
منه وهى بترفص ..عاااااا سبنى 
احمد ..لا ابدا مش شتمتينى يا اوزعه
منه ..خلاص يا عم خليك انت الكبير 
احمد ..لا اعتذرى 
منه ..ابدا
احمد خدها وډخلها المطبخ عند مامتها ..ماما انتى عايزه البت ديه
سهام ..لا يا حبيبي انا معرفهاش اصلا ديه بت مجنونه واكيد مش بنتى
احمد ..اهو وكمان امك مش عايزاكى
منه ..كدة يا سهام طب خليكى فكراها 
سهام ..ماشي مش هنسا
احمد خدها عند الشباك ..استعدى للمۏت يا حلوة 123
منه ..لا خلاص انا اسفه يا مودى اسفة 
احمد..ماكان من الاول
بعد ما منه نزلت
منه ..مچنون
احمد ..بردو مش هتتلمى غير لما تموتى تعالى 
ولسه هيمسكها طلعت تجرى وقفلت عليها الأوضة
عند عشق نزلت وهى راكبه التاكسي مراد اتصل عليها
مراد ..الو يا حبيبتى 
عشق ..ازيك يا مراد
مراد ..يعنى انا اقولك حبيبتى تقوليلي مراد لا مينفعش الكلام دا خالص 
عشق بضحك ..معلش مش فايقة لحبيبي وحبيبتى خالص انا واحدة ورايا امتحان 
مراد ..لا انا كده اغير من الامتحان إللى بعدك عنى
عشق ..معلش بس دا اول امتحان وانا خاېفة 
مراد..مټخافيش انا حبيبتى متخافش من اى حاجه انتى قدها يا حبيبتى وكونتى بتذاكرى كويس 
عشق ..بردو هو علشان اول امتحان وبس بعد كدة بيجيلى مناعه وتانحه وبرود 
مراد ..دا كله خلاص اول ما متخلصى الامتحان كلمينى وطمنين 
عشق ..حاضر
مراد ..يلا سلام يا حبيبتى ربنا معاكى 
عشق ..سلام يا حبيبي 
وقفلت بسرعه
عند منه لبست ونزلت اول ما نزلت لقت ادهم واقف وساند على العربية بتاعته ولابس بدلة الشغل وكان مزز بمعنى الكلمه
منه اول ما شافته قالت فى نفسها ...يا نهار اسود ايه المززز إللى هناك دا طب اعمل ايه فيه وانا إللى كنت بقول انى هخلى رنا تقول لأحمد بحبك دا انا إللى هروح اقول لادهم انا بعشقك يالهههوى على القمر يا ناس 
قطع كلمها ادهم ..منه مالك واقفه متنحه وفاتحه بوقك زى الحمار كده ليه 
منه.. مين ديه إللى حمار يا بغل 
ادهم ضحك ..انابغل يلا يا اوزعه
منه فى نفسها ..لا انا مش قد الضحكه ديه طب اروح اعرض عليه الجواز احسن ممكن يوافق 
ادهم ..ايه يا بنتى انتى كل شوية تسرحى انا عارف انى مززز بس مش كدة احنا فى الشارع 
منه ..بس يا شاطر اجرى العب بعيد قال مزز قال مش عارفة مين إللى ضحك عليك وقالك كده 
ادهم ..بنات كتير وكمان كانوا بيجوا يطلبوا رقم تليفونى 
منه ..طب غور من وشي وروح للبنات الكتير إللى عايزة رقم تليفونك 
ادهم مسكها قبل ماتمشي ..بتغير يا جميل 
منه ..اكيد لا وبعدين حاسب من وشي
ادهم..طب اوصلك
منه ..لا
ادهم ..انتى إللى خسرانه
منه ..ماشي
ادهم بصوت تامر حسنى ..طب فكرى
منه ..فكرت
ادهم بصوت تامر ..فكرى تانى 
منه ..حاسب انا مش فاضيلك انا ورايا امتحان
ادهم ..ربنا معاكى يا مجنونتى
منه اكسفت..حاسب كده واقفت تاكسي ومشيت
ادهم بفرحه ..شكلها بتغير عليا ايوة باين مانت مش اى حد يا واد يا ادهم
عند عشق خلصت الامتحان وهى خارجه لقت عمرو فى وشها
عشق..ازيك يا عمرو
عمرو ..الحمد لله انتى عامله ايه
عشق ..الحمد لله
عمرو ..ممكن نكلم مع بعض شويه
عشق ..اة اتفضل بس بسرعه علشان ورايا معاد
عمرو ..اة اكيد بصي يا عشق انا بحبك بحبك من زمان اووى من اول ما دخلتى الجامعه
عشق بدهشة..ليه انا
عمرو ..معرفش بس انتى كل حاجه فيكى شدانى الحب مش بايدى
عشق پصدمه وحزن عليه ..بس انا مابحبكش انا ماحبتش غير مراد ومش هقدر احب حد تانى وبعدين انا مخطوبه يعنى الكلام دا ما ينفعش 
عمرو ..لا يا عشق هتحبينى انا وهتبقي ليا انا وبعدين مراد ايه إللى بتقولى بيحبك انا بحبك اكتر منه وانا احسن منه
عشق ..لا مفيش حد احسن من مراد ابعد عنى بقا ياما نبقا صحاب يا متعرفنيش تانى احسن
وسابته ومشيت
عمرو ..انتى إللى جبتيه لنفسك حولت أساعدك بس اعمل ايه انتى إللى اختارتيه استحملى بقا
عند عشق مشيت وهى مټعصبه وكانت بتفكر هى فيها ايه اكتر من البنات التانيه علشان الكل يحبها بس قطعها صوت التليفون
عشق ..الو يا حبيبي
مراد..ايوة كدة يبقا الامتحان خلص وكان حلو صح
عشق ..اة كان حلو اووى وان شاء الله اقفله
مراد ..ايوة بقا هى ديه عشق إللى اعرفها
عشق بثقة مصطنعه ..يا بنى انا مش اى حد
مراد ..ابنك لا كده كتير انا حبيبك وجوزك المستقبلى وبس
عشق بكسوف ..هو انت لازم كل شوية تكسفنى
مراد وهو بيضحك ..اموت انا واشوفك دلوقتى بتبقى عايزة تتاكلى
عشق..لا انت زودتها اووى انا هقفل احسن علشان انت مش ناوى تجبها لبر
مراد..انا دا انا غلبان تعالى بصي شوفى البراءة هتنط من وشي
عشق ..اة غلبان جدا ما انا عارفة
مراد ..ماشي يا عشق خليكى فاكرة نجوز وهتشوفى
عشق ..لا انا بخاف
مراد بشړ ...هو انتى لسه شوفتى حاجه دا انا هطلع عليكى القديم والجديد
عشق ..ليه بس
مراد ..اجى امسك ايدك لا يا مراد حرام كلمت حبيبي اتمنعت عندك فى القموس عايزانى اعمل ايه ما انتى نشفتى رقى
عشق ..مش كفايه إللى انت بتقوله واللى بتعمله
مراد ..انا عملت حاجه
فى نفس الوقت دخل عليه ادهم
مراد..طب اقفلى بقا مفرق الجامعات وصل
عشق وهى بتضحك ..ابقا سلملى عليه
مراد ..حاضر سلام
مراد لادهم ..مالك قالب وشك ليه
ادهم ..مراد المهمه اتحددت
مراد پصدمه ..ايه مش كانوا بيقوله ان قدمها شهر
ادهم ..لا يا مراد شكل فريد مش ناوي يجبها لبر
استوب
فريد دا أكبر رجل أعمال فى الشرق الأوسط وكمان أكبر رلجل بيتاجر فى السلاح والمخډرات فالمهمه صعبه مش سهلة خالص 
مراد ..متخافش مفيش حد يقدر يهز منى شعره
ادهم ..ايوة هو دا مراد إللى انا
اعرفة
مراد ..طب المهمه امتى
ادهم..بعد أسبوعين
مراد ..يعنى بعد كتب كتابى انا وعشق بيوم
ادهم ..بظبط علشان كده انا بقولك مصېبة
مراد ..هو انت عمرك دخلت بحاجه تبسطنى
وادهم..وانا مالى انا لما بعرف حاجه مهمه باجى اقولك
مراد ..لا متقوليش مش عايز اعرف يا عم
ادهم بجديه ..مراد هو انا ممكن اسالك سؤال
مراد ..اتفضل
ادهم..انت مش المفروض تاجل كتب الكتاب حتى بعد المهمه
مراد ..لا طبعا انا عايز عشق تكون بتاعتى حتى لو لساعات بس ماينفعش اجل كتب الكتاب انا مستنى اليوم دا بفارغ الصبر فاهم يا ادهم ولا انت مش هتفهم انت دماغك تخينه
ادهم ..لا فهمت بس انت كده انانى
مراد ..سميها زى ماتسميها لكن انا بسميها حب
ادهم ..خلاص يا صاحبى انا معاك وراك علشان حاسس بيك
مراد ..غور من وشي يا ادهم عمرك ماتحس بحبي لعشق قد ايه
ادهم ..ماشي انا همشي بس اصلا مفيش زى حبى لمنه وطلع لسانه لمراد وطلع يجرى
مراد ..عبيط هقول ايه صبرنى يارب
عند آدم فى البيت
غادة ..آدم انت كده خلصت كل اوراقك
آدم..اة يا ماما خلصت كله وان شاء إلله هسافر بعد كتب الكتاب بيوم
غادة ..طب يا بنى أجله شوية انا مش متخيلة إنى مش هشوفك تانى
آدم ..لا هتشوفينى يا امى يوم فرح مراد انتى ناسيه انى لازم احضر
غادة ..لا يا آدم متجيش الفرح
آدم..ماينفعش يا امى مراد اخويا وعشق اقبل ماتكون حبيبتى فهي اختى وصاحبتى
غادة ..انا مش عايزاك تتوجع تانى يا آدم
آدم بحزن وۏجع ..مش هتوجع اكتر ما انا اتوجعت يا امى
غادة ..ربنا معاك يا بنى
وسابته وخرجت
آدم بۏجع ..هسافر يا عشق وهبعد عنك كان نفسيماسافرش بس دا احسن ليا وليكى بس مش عارف ازاى هقدر اشوفك مع حد غيرى لا وكمان مش اى حد دا صاحبي وحبيبي بس المتاكد منه انى لما هسافر هنساكى يا عشق .
الخاتمه
الحب اختيار مش اجبار الحب عامل زى السړطان لما بيدخل الجسم مش بيخرج منه غير بصعوبه أو مش بيخرج منه غير لما ينهى على صاحبه دايما الحب بيجى بس بيجى معاه ۏجع كبير واغطاء كتير بس يا ترى هنغفر وننسي ولا الحب هيضيع وست الۏجع وهيتحول لكره ولما بيتحول لكره يبقا ننسي الحب احسن كفايه ان الشخص دا هيقل فنظر البنت اووى
شجعوني بمتابعة عشان انزلكم باقي الحلقات عالم القصص