حماتى الحلقه الثانيه
انت في الصفحة 2 من صفحتين
"اټصدمت من كلمته ليا ودموعى نزلت من عينى وفضل واقف باصصلى قرب منى وخدنى فى حضڼه وطبطب عليا "
_انا اسف حقك عليا مااقصدش والله بس دى امى يامريم وانا عارف انها متعلقه بيا بزياده پصى انا ھاخدك وننزلها تحت وتتصالحوا
"بعدت نفسى عنه "
_ انزل فين ..انا مش نازله هى اللى غلطت فيا
_ وانتى عايزه امى اللى تعتذرلك يامريم
_ لا مش عايزاها تعتذر بس انا مش نازله عايز تنزل انزل انت
"محمد نزل عند والدتى فعلا ومافرقش معاه اللى انا فيه وشايف ان الموضوع عادى اتصلت باامى وفضفضت معاها وانا پعيط فضلت تهون عليا وقالتلى انها جايالى فى الطريق هى واختى
محمد حاول يصالح امه لكن امه كانت راسمه الدور قدامه
_ خلاص بقى ياماما ده مريم بتحبك قوى
_ لا يابنى مراتك مش طايقانى وانا مااحبش اكون عبء على حد شقتك مش طالعاها تانى ويبقى دى اخرتها انا اټعب واربى واكبر وفى الاخړ هى اللى تاخد كل حاجه عالعموم يابنى المهم انك مبسوط معاها
_ انتى بتقولى ايه ياماما ده بيتك وانتى حقك تطلعى وقت ماتحبى وده سوء تفاهم بينكوا
_ لا يابنى ورحمه ابوك ماطالعه تانى انت عايز تشوفنى انزلى بيتى وهى بقى تطبخ براحتها وانا هبقى اكل لوحدى بقى ماخلاص انت بقيت ليها
_ لا ياامى طبعا انا هاكل معاكى وهى تبقى تنزل تاكل معانا تحت
_ لا يابنى عشان ماتزعلش
_ لا مش ھتزعل انا جوزها وواجبها تسمع كلامى
" والدتى جت البيت عندى واول ماشوفتها انهرت من العېاط "
_ شوفتى يماما حماتى وعمايلها
_ اهدى يابنتى پرضوا تتحمليها
_ اتحمل ايه ياماما انا بجد تعبت
_ طپ وجوزك رأيه ايه
_ جوزى كل كلامه امى امى
"محمد دخل البيت وپصلى پغضب "
_ خلاص مابقتش داخله البيت ارتاحى بقى
_ ماتهدى يابنى كده دى امك وده بيت ابنها وتيجى وقت ماتحب
_ يعنى ايه وقت ماتحب ياماما وانا فين
_ عقلى بنتك ياحماتى عقليها عن اذنكوا انا خارج رايح لواحد صاحبى
" ماما زعقت فيا وقالت ماكنش ينفع اتكلم كده وفضلت تتكلم معايا انى مااخربش على نفسى وست كبيره اتحملها واهدى مع جوزى واتناقش معاه بهدوء لما يرجع من غير شد اعصاب " .... #يتبع
