الحكايه فيها عشق بارت16الى22

انت سافرت المؤتمر بتاعك وانا كنت فى البيت وعمر كان فى النادى المهم شروق دخلت عليا و......
فلاش باك 
شروق بمرح وهي تدخل رأسها من الباب قائله 
الجميل بيعمل اى !!!
شذى وهى تبحث فى ملابسها لتقول بابتسامة 
تعالى يا شوشو ادخلى
دخلت شروق لتقول وهي تتوجه لتجلس على الفراش 
عشق نايمه وانا زهقت وعمر مش هنا فقلت اجى اشوفك بتعملى اى !!
شذى وهى تمسك قطعة ملابس فى يدها قائله 
انا عماله اجرب فى هدوم و روشن زهقانه انا كمان
ثم خطرت في ذهنها فكرة لتقول وهي تنظر لها 
اى رايك نهبل سوا ونلبس ونحط مكياج بقى ونصيع ونتصور
ضحكت شروق بشدة لتقول.......عايزه تخلينى انحرف اخص عليكى
شذى....لا بجد مش بهزر والله هتبقى مزه فى الهدوم دى
اختفت ابتسامة شروق لتتحدث بجديه.....انت عارفه يعنى اى مزه دى اصلا !!
شذى.....اكيد طبعا بنت جميله وروشه كدا مزه بقى
ضحكت شروق بخفوت على سذاجتها ثم نظرت لها لتقول بجديه وتوضيح 
لا ياحبيبتى كتير فعلا من الناس فاكرين انها بنت جميله وتلاقى كله بيرددها وخلاص الكلمة دى بقى ياستى انتشرت امتى كان فى واحد سکړان قالها لواحدة من فتيات الليل فالمزه دى بقى هى اللى بيمزمز بها شارب الخمر عشان يضيع طعم الخمر من بقه اللى ريحته بتبقى نتنة بعد ما بيشرب خمره فواحد بقى منهم سکړان طلب من واحدة من فتيات الليل انها تقبله عشان الريحة النتنة دى تروح وهيدها فلوس كتير فوافقت ومن ساعتها بقى اى بنت ليل بيسموها مزه والناس خدت الكلمة دى وبقو يرددوها ومفكرينها حاجه جميله وبينبسطو بيه من غير مايعرفوا معناها ايه مع ان لو حد قالها للبنت فدى اهانه جامده جدا ليها فهمتى بقى
اومأت براسها بذهول لتقول......انا مكنتش اعرف خالص كويس انك قولتيلى عشان مقولهاش تانى
شروق بغمزه.....اى خدمه
شذى......يالا بقى نلبس ونروش عشان نزداد جمالا على جمالنا ايها الفتاه اظن كدا حلو بقى ومفيش غلطه فى الكلام 
ضحكت شروق بشدة........هههههههههههه وربنا رقيه هتعديكى من جنانها يالا يا ستى اما نهبل شويه
باك 
شذى........وبعد كدا لبسنا وحطينا مكياج و اتصورنا وهى وقتها قالتلى امسح الصور احسن حد يشوفها بس انا قلتلها محدش بيمسك فونى خالص وهبقى انقلها على اللاب وامسحها ونسيت اعمل كدا
نظر لها آدم پغضب........ومقولتليش ليه من الاول قبل كل دا مايحصل !!
شذى بتوتر......والله ماخدت بالى منهم
ادم.....مين اللى خد الصور وبعتهم !! ومين اللى صورها مع ادهم !! مين اللى بيعمل كدا !!
رقيه بعدم فهم.......صورها مع ادهم ازاى !!
ادم.......الصور اللى باينه انها فى حضڼ واحد طلع ادهم خبط فيها من غير قصد فى الحفله وحد صورهم
كريمه پغضب.......يعنى ظلمتها من كله ها راضى عن نفسك كدا بعد مامشيت ومش عارفين حالها اى هى وبنتها دلوقت بسبب سوء ظنك فيها دا ربنا قال فى كتابه بسم الله الرحمن الرحيم.....
يا أيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه مېتا فكرهتموه واتقوا الله إن الله تواب رحيم 
وعن أبي هريرة عن النبي صلى الله عليه وسلم قال إياكم والظن فإن الظن أكذب الحديث ولا تحسسوا ولا تجسسوا ولا تحاسدوا ولا تدابروا ولا تباغضوا وكونوا عباد الله إخوأنا.
نسيت دينك كمان يا آدم غضبك عماك حاسس ب اى دلوقت وانت ظلمها ومش عارفين هى فين ولا حالها اى بسببك هه !! خاسس ب اى رد ارفع راسك لو عندك حاجه تقولها سمعنى !!
نظر لها بحزن وندم ثم انطلق نحو غرفته مسرعا وهو يشعر بالضيق الشديد والندم لما فعله معها سائلا نفسه هل ستسامحه وتغفر له ما فعله معها هل يستطيع ان يراها مرة اخرى !!
توجه نحو غرفته ليدخل الى المرحاض ويتوضأ ثم يخرج ليصلى هو حس انه بعد اوى عن ربنا أذنب كتير لازم يلجأ له لازم يرجع يواظب على صلاته تانى تنهد ليقف على السجادة ويصلى و قد يشعر ان الحزن يتساقط شئ ف شئ فى سجوده......
فجميع الحبال التي تحاوط الإنسان هشه وقابله للانقطاع الا الحبل الذى بينك وبين الله فلا تقطعه أنت أيها المسلم
إنني مذنب 
و أصعب ما قد يعترف به المرء إدراكه بأنه لم يكن يوما سوي بما يكف و أن أخطائه كانت تكبر يوما بعد يوم بينما التوبة توجهه إليه . وإنني كنت أعزم توبتي و أتوب قسما و ابكي كما لن أفعل ما فعلته ثانية لكن نفسي لم تكن صالحة بما يكف لأن تمنعني أن أعود فتأمرني بالسوء وأعود ثانية و أذنب كما لو أنني لن أندم قط .
قسما لا أصعب من أن ترى أخطائك كلها أجسادا تتشكل أمام عينك وجزء ابيض جانبا يخبرك أنه لازال بياضا بداخلك و أنت نصفا نصفا لا تدري أخطائك ام بياضك سينتصر نهاية إنني حزين لانى لم أكن يوما تقي كما كان يجب أن أكن ولم أكن سوي بقدر أكثر من المطلوب واللازم و أسفا لم أكن بياضا لم تشبه شائبة لكنني أحاول أقسم بأن كل أجزائي تحاول أن تنجو كما أفعل تماما و أنني دوما أسعى أن أبتر كل سيقاني التي تجرني للسوء للذنب و للندم لأنجو بكل ما تبقى مني و أنني تالله أسير بقلب يبحث عن مخرج و سلام فدلني يا الله دلني إليك إلى حيث كل الطرقات التي لا تنتهي إلا بالنور إلى أمانك وإلى حيث رضاك يا الله .
....فى مكان ما........
تنظر له دينا بضيق......يعنى معملتش حاجه مع رقيه لسه انا استنيت عليها اما قلتلى انك هتجبلى حقى
تنهد هو ليقول بابتسامة....متقلقيش ياحبيبتى بس واحده واحده واتفرجى هتبقى عامله ازاى فى الاخر
ابتسمت بخبث وتوعد......ماشى اما نشوف
ليقف هو قائلا......انا لازم امشى انا بقى
دينا......طيب ما تبات معايا النهارده
رمقها بابتسامه....مش هينفع مره تانيه سلام
دينا .......سلام
ليتوجه بعدها خارجا من منزلها متوجها نحو منزله !!!
ومر الليل على التائب و النادم والتايه والحزين والعاشق ليأتى يوم جديد ملئ بالأمل والتفاؤل !!!
..........فى منزل ادهم الۏحش .......
يفتح ادهم عينيه بتعب لتتسع ابتسامته قائلا بصوت خاڤت 
فرح !!
للتذكير فرح زوجة ادهم المتوفيه
ليغمض عينيه ويفتحها مرة اخرى لتتضح الرؤية أمامها فينظر ليجدها شروق فتألم قلبه بشده لتذكره زوجته ثم وضع يده على رأسه فقد شعر بشئ ما مبلل موضوع على رأسه ليجدها قماشه مبللة فنظر لها باستغراب ثم نقل نظره لشروق النائمه وهي محتضنة ابنته بحنان ليقول بصوت صارم مرتفع يشوبه المړض 
شرروق !!!
فزعت بشده من صوته لتفتح عيونها بفزع لتنظر له قائله بخضه 
اى فى اى مين ماټ !!
نظر لها بصرامة وقوة لا تدل ابدا انه كان مريض طوال الليل ليقول 
انتى بتعملى ايه هنا !!
نظرت له ببلاهه وهي تحاول استيعاب مايقوله ثم اردفت 
سؤال ذكى فعلا سياتك وقعت امبارح مغمى عليك وسخن مولع فعاملتك كمادات بس كدا... لكن اللى يشوفك دلوقتى يقول ان انا اللى كنت تعبانه مش انت !!
نظر لها مذهول ليتذكر أنه شعر بالدوار ليلا وسقط ارضا ثم حاول اخفاء دهشته لينظر لها باستغراب 
ليه !!
شروق بعدم فهم.....هو ايه اللى ليه !!
ادهم ليه عملتى كده كان ممكن تهربي
شروق بضيق لتذكرها انها كانت ستهرب بالفعل ولو كانت فعلت هذا لكانت ندمت اشد الندم !!
فاقت من شرودها على صوته يقول.......مش لاقيه اجابه تقوليها طبعا عملتى كدا عشان اسامحك فكرتى انك لو هربتي هجيبك ومش هرحمك مش كدا !!
نظرت له مذهولة غير مستوعبه ما يقوله لتردف ببلاهه 
انت طبيعى !!!!
ادهم....مش دا برضه تفكيرك ولا انا بقول اى كلام
شروق پغضب...لا انت بتخرف انا بعمل كدا عشان اتربيت على كده او ممكن تسميه طيبه غباء زى ماتحب انى مشوفش حد محتاج مساعدتى ومساعدهوش.... انت اللى بتحكم وخلاص انا مش فاهمه اى دا بدل ما تشكرني
نظر لها لعدة دقائق بصمت ليقول 
روحى البسى عشان انفذ عقابك
ابتلعت ريقها بتوتر لتقول.....اللى هو اى !!
ادهم بجمود.......هسلمك للبوليس انا مقدم بلاغ باختفاء بنتى وعقابك هتاخديه ولو مفكره اما تساعدينى هغير راى تبقى غلطانه انتى غلطتى و لازم تتعاقبى
فزعت لتحاول اخراج صوتها طبيعيا........بس انت تعبان
ادهم ببرود.....خفيت
لينزل من الفراش ويخرج من الغرفه ليتوجه نحو المرحاض قائلا 
عشر دقايق وتبقى جاهزه
وخرج من الغرفه بهدوء لتنظر شروق امامها پصدمه فقد توقعت انه قد يسامحها ويغفر لها قائله 
معقول هتسجن !!!
ثم فكرت قليلا لتتذكر انها لم تقم باغلاق باب الشقه فيخطر فى عقلها الهروب مره اخرى !!
يتبع !!!
يترى شروق هتعرف تهرب !!
يترى ادهم هيعمل اى فى شروق لو هربت او لو مهربتش يعنى مش فارقه 
واى رد فعل ادم !!
ومين اللى عايز ينتقم من رقيه !!!
استنونى بكره عشان نعرف
قراءة ممتعه ليكو ومستنيه رايكو وتشجيعكوا
روايه_الحكايه_فيها_عشق